Joseph Kenny OP: The Psalms, 1 (Hebrew)

Psalm 1

Sunday Readings 1

אַשְׁרֵי הָאִישׁ אֲשֶׁר־לֹא	הָלַךְ בַּעֲצַת רְשָעִים
וּבְדֶּרֶךְ חַטָאִים לֹא עָמָד	וּבְמוֹשֵׁב לֵצִים לֹא יָשָׁב
כִּי אִם בְּתוֹרַת יְהוָה חֶפְצוֹ	וּבְתוֹרָתוֹ יֶהְגֶּה יוֹמָם וָלָילָה

וְהָיָה כְּעֵץ שָׁתוּל	עַל־פַּלְגֵי מָיִם
אֲשֲׁר פִּרְיוֹ יִתֵּן בְּעִתּוֹ	וְעָלֵהוּ לֹא יִבּוֹל	וְכֹל אֲשֶׁר־יַעֲשֶה יַצְלִיח

לֹא כֵן הָרְשָׁעִים	כִּי־אִם כַּמֹּץ	אֲשֶׁר תִּדְּפֶנוּ רוּח
עַל כֵן לֹא יָקֻמוּ	רְשָׁעִים בַּמִּשְׁפָּט	וְחַטָּאִים בַּעֲדַת צַדִּיקִים
כִּי־יוֹדֵע יהוה	דֶּרֶךְ צַדִּיקִים	וְדֶּרֶךְ רְשָׁעִים תּאבַד