Joseph Kenny OP: The Psalms, 23 (Hebrew)

Psalm 23

Sunday Midday 2 & 4

יְהוָה רֹעִי

לֹא אֶחְסָר

בִּנְאוֹת דֶּשֶׁא יַרְבִּיצֵנִי	עַל־מֵי מְנֻחוֹת יְנַהֲלֵנִי	נַפְשִׁי יְשׁוֹבֵב
יַנְחֵנִי בְמַעְגְּלֵי־צֶדֶק	לְמַעַן שְׁמוֹ

גַּם כִּי־אֵלֵךְ	בְּגֵיא צַלְמָוֶת
לֹא־אִירָא רָע	כִּי־אַתָּה עִמָּדִי

שִׁבְטְךָ וּמִשְׁעַנְתֶּךָ

הֵמָּה יְנַחֲמֻנִי

תַּעֲרֹךְ לְפָנַי שֻׁלְחָן	נֶגֶד צֹרְרָי
דִּשַּׁנְתָּ בַשֶּׁמֶן רֹאשִׁי	כּוֹסִי רְוָיָה

אַךְ טוֹב וָחֶסֶד יִרְדְּפוּנִי	כָּל־יְמֵי חַיָּי
וְשַׁבְתִּי בְּבֵית־יְהוָה	לְאֹרֶךְ יָמִים