Joseph Kenny OP: The Psalms, 111 (Hebrew)

Psalm 111

Sunday Evening 3

	הַלְלוּ יָהּ
אוֹדֶה יְהוָה	בְּכָל־לֵבָב	בְּסוֹד יְשָׁרִים וְעֵדָה

גְּדֹלִים מַעֲשֵׂי יְהוָה

דְּרוּשִׁים לְכָל־חֲפֵצֵיהֶם

הוֹד־וְהָדָר פָּעֳלוֹ	וְצִדְקָתוֹ עֹמֶדֶת לָעַד
זֵכֶר עָשָׂה לְנִפְלְאֹתָיו	חַנּוּן וְרַחוּם יְהוָה

טֶרֶף נָתַן לִירֵאָיו	יִזְכֹּר לְעוֹלָם בְּרִיתוֹ
כֹּחַ מַעֲשָׂיו הִגִּיד לְעַמּוֹ	לָתֵת לָהֶם נַחֲלַת גּוֹיִם

מַעֲשֵׂי יָדָיו אֱמֶת וּמִשְׁפָּט	נֶאֱמָנִים כָּל־פִּקּוּדָיו
סְמוּכִים לָעַד לְעוֹלָם	עֲשׂוּיִם בֶּאֱמֶת וְיָשָׁר

פְּדוּת שָׁלַח לְעַמּוֹ

צִוָּה־לְעוֹלָם בְּרִיתוֹ

קָדוֹשׁ וְנוֹרָא שְׁמוֹ

רֵאשִׁית חָכְמָה יִרְאַת יְהוָה

שֵׂכֶל טוֹב לְכָל־עֹשֵׂיהָ־ם

תְּהִלָּתוֹ עֹמֶדֶת לָעַד